AuthorISP Admin

ပြည်သူ့ဝန်ဆောင်မှုဆိုင်ရာ အညွှန်းကိန်း အကျပ်အတည်း မြင့်မားနေသည့် မြို့နယ်ပေါင်း ၅၇ ခုရှိခဲ့ပြီး စစ်ကိုင်းတိုင်းမှ ၁၄ မြို့နယ်အထိပါဝင်ကာ အများဆုံးဖြစ်ခဲ့သည်။ ရှမ်းပြည်နယ်မှ မြို့နယ် ၁၁ ခု ပါဝင်ပြီး ဒုတိယအများဆုံး ဖြစ်ခဲ့သည်။

လူသားချင်းစာနာမှုဆိုင်ရာ အညွှန်းကိန်း အကျပ်အတည်း မြင့်မားနေသည့် မြို့နယ်ပေါင်း ၄၅ ခုရှိခဲ့ပြီး စစ်ကိုင်းတိုင်းမှ ၁၉ မြို့နယ်အထိပါဝင်ကာ အများဆုံးဖြစ်ခဲ့သည်။

လုံခြုံရေးဆိုင်ရာ အကျပ်အတည်း မြင့်မားနေသည့် မြို့နယ်ပေါင်း ၁၄၁ မြို့နယ်ရှိခဲ့ပြီး မြို့နယ်စုစုပေါင်း ၄၃ ရာခိုင်နှုန်းအထိရှိခဲ့သည်။ စစ်ကိုင်းတိုင်းရှိ မြို့နယ် ၃၀ တွင် လုံခြုံရေးဆိုင်ရာ အကျပ်အတည်း မြင့်မားခဲ့ပြီး အများဆုံးဖြစ်ခဲ့သည်။

ကရင်နီဒေသ၊ ချင်းပြည်နယ်နှင့် တနင်္သာရီတိုင်းတို့ရှိ မြို့နယ်အားလုံးတွင် လက်နက်ကိုင်ပဋိပက္ခများဖြစ်ပွားခဲ့ပြီး စစ်ကိုင်းတိုင်းတွင် မြို့နယ် ၃၇ ခု ရှိသည့်အနက် ၃၄ ခုတွင်လည်းကောင်း၊ မန္တလေးတိုင်းတွင် မြို့နယ် ၂၈ ခုရှိသည့်အနက် ၂၅ ခုတွင်လည်းကောင်း တိုက်ပွဲများ ဖြစ်ပွားခဲ့သည်။

‘စစ်ဆင်ရေး ၁၀၂၇’ နောက်ပိုင်း ရှမ်းပြည်နယ်မြောက်ပိုင်းရှိ တရုတ်စီမံကိန်းများတည်ရှိရာ နေရာဒေသသို့ ညီနောင်မဟာမိတ်နှင့်ပူးပေါင်းတပ်ဖွဲ့များက နယ်မြေချဲ့ထွင်ထိန်းချုပ်လာခဲ့သည်။