၁၉၉၀ ပြည့်နှစ် ဇူလိုင် ၁၃ ရက်ထုတ် Asiaweek မဂ္ဂဇင်း နိုင်ငံတကာရေးရာ စာမျက်နှာ-၂၈ ၌ ဖော်ပြခဲ့သော ဦးကြည်မောင်အား မေးမြန်းချက် အင်တာဗျူး

0

၁၉၉၀ ပြည့်နှစ် ဇူလိုင် ၁၃ ရက်ထုတ် Asiaweek မဂ္ဂဇင်း နိုင်ငံတကာရေးရာ စာမျက်နှာ-၂၈ ၌ ဖော်ပြခဲ့သော ဦးကြည်မောင်အား မေးမြန်းချက် အင်တာဗျူးစာမျက်နှာ မူရင်း

Asiaweek မဂ္ဂဇင်း၊ ၁၃-၇-၁၉၉၀၊ နိုင်ငံတကာရေးရာ စာမျက်နှာ-၂၈

ဦးကြည်မောင်နှင့် တွေ့ဆုံမေးမြန်းခြင်း

“ကျွန်တော်တို့ မျှမျှတတ ဆောင်ရွက်ပါ့မယ်”

ဗိုလ်မှူးကြီး ကြည်မောင်သည် ကျောင်းသားအရေး တက်ကြွလှုပ်ရှားသူ၊ လွတ်လပ်ရေးတိုက်ပွဲဝင် စစ်သည်တော်တစ်ဦးနှင့် သစ္စာရှိ တပ်မတော်သားတစ်ဦး ဖြစ်ခဲ့ပါသည်။ ယခုအချိန်၌ အသက် ၇၂ နှစ်အရွယ် ရှိပြီဖြစ်သည့် ဦးကြည်မောင်သည် ဒေါ်အောင်ဆန်းစုကြည် နေအိမ်အကျယ်ချုပ် ကျခံနေရခိုက် အတိုက်အခံ အမျိုးသားဒီမိုကရေစီအဖွဲ့ချုပ်၏ ပြောရေးဆိုခွင့်ရှိသူ ဖြစ်လာပါသည်။ ပြီးခဲ့သည့် ရက်သတ္တပတ်အတွင်း  Asiaweek မဂ္ဂဇင်းမှ ပင်တိုင်ဆောင်းပါးရှင် ဒေါမနစ်ဖူလ်ဒါနှင့် ရန်ကုန်မြို့တွင် တွေ့ဆုံမေးမြန်းခဲ့မှု ပြုလုပ်ခဲ့သည်များထဲမှ ကောက်နှုတ် ဖော်ပြထားခြင်း ဖြစ်ပါသည်။

■ မေး – ရွေးကောက်ပွဲ ပြီးတာလည်း တစ်လကျော် ကြာသွားခဲ့ပြီဆိုတော့ လက်ရှိ အုပ်ချုပ်နေတဲ့သူ (နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့-န၀တ) တွေနဲ့ ဘယ်လို ရှေ့ဆက်သွားဖို့ စဉ်းစားထားလဲ။

■ ဖြေ – သူတို့ရဲ့ ရည်ရွယ်ချက် အစစ်အမှန်က ဘာလဲဆိုတာ ကျွန်တော်တို့ မသိရဘူး။  သူတို့ပါးစပ်က ထွက်လာမယ့် စကားတွေကိုပဲ ကျွန်တော်တို့ သိချင်တာလေ။ ကျွန်တော်တို့ လွှတ်တော်ခေါ်မယ်လို့ သူတို့ကိုပြောချင်တယ်။ ပြီးတော့ သူတို့ ပြောပြချင်တဲ့ သူတို့ရဲ့ နောက်လာမယ့် အစီအစဉ်တွေကို ကျွန်တော်တို့ မေးချင်တယ်။ ကျွန်တော်တို့ကလည်း သူတို့ရဲ့ အစီအစဉ်တွေကို ကမောက်ကမ ဖြစ်မသွားစေချင်ပါဘူး။ သူတို့စိတ်ထဲမှာ ဘာရှိသလဲ အတိအကျ သိချင်ရုံလေးပါ။ ပြီးတော့ သူတို့မေးလာမယ့် မေးခွန်းတိုင်းကို အဖြေပေးဖို့လည်း ကျွန်တော်တို့ အဆင်သင့်ပါပဲ။ သိက္ခာရှိတဲ့ လူအချင်းချင်းပဲဗျာ။ ပွင့်ပွင့်လင်းလင်း တဲ့တိုးပဲ ပြောချင်ပါတယ်။

■ မေး – ဒါပေမဲ့ န၀တရဲ့ ကြေညာချက်တွေကို ကြည့်ရတာတော့ လိုက်လျောမယ့်ပုံမျိုး မရှိသလိုပဲ။

■ ဖြေ – နှုတ်တစ်ရာ စာတစ်လုံးဆိုတဲ့ စကားလည်း ရှိတာပဲလေ။ ကျွန်တော်တို့ စကားဝိုင်းထိုင် ပြောဆိုဆွေးနွေးကြမယ် ဆိုရင် လုံးဝ ကွဲပြားခြားနား သွားနိုင်ပါတယ်။ ကျွန်တော်တို့ဖက်ကလည်း လိုက်လျောနိုင်တဲ့ အချက်တွေ အများကြီး ရှိပါတယ်။ သူတို့နဲ့ ပတ်သက်ပြီး ကျနော်တို့ မျှမျှတတ လုပ်ခဲ့တယ်။ အဲဒီလိုပဲ သူတို့ဖက်ကလည်း ကျွန်တော်တို့အပေါ်မှာ မျှမျှတတရှိဖို့ မျှော်လင့်ပါတယ်။ ကောင်းပြီ။ သူတို့ဖက်က နှောင့်နှေးနေနိုင်တယ်။ ကျွန်တော်တို့မှာ ချက်ချင်းလက်ငင်း ရင်ဆိုင်ဖြေရှင်းရမယ့် ကိစ္စတွေ ရှိတယ်။ ဥပမာ-ကြွေးမြီကိစ္စ၊ ဒီလို စောင့်နေရင်းနဲ့ပဲ အတိုးက တဖြည်းဖြည်း တက်လာနေမှာ။ ပြီးတော့ အလုပ်အကိုင်၊ ကျွန်တော်တို့တွေမှာ အလုပ်တွေ မရှိဘူး။ စက်ရုံတွေကလည်း ဘာကုန်ပစ္စည်းမှ မထုတ်လုပ်နိုင်ဘူး။ တက္ကသိုလ်တွေ ပိတ်ထားရတာကလည်း သုံးနှစ်လောက် ရှိပြီ။ ဒါတွေအားလုံးက စောင့်နေရုံနဲ့ မရဘူးလေ။ စိတ်ပျက်စရာတွေက တော်တော်လေးကို များနေတော့ အဲဒါတွေက ဖွဲ့စည်းပုံအခြေခံဥပဒေ ရေးဆွဲတာထက် ပိုအရေးကြီးတယ်ဗျ။

ပြီးတော့ သူတို့ ကျွန်တော်တို့ကို ငြင်းပယ်ထားလို့ မရဘူး။ ကျွန်တော်တို့မှာ ပြည်သူတွေရဲ့အား ရှိတယ်။ လူငယ်တွေ၊ ကျောင်းသားတွေ၊ တောင်သူလယ်သမားတွေ၊ သံဃာတော်တွေ၊ တိုင်းရင်းသား လက်နက်ကိုင် အဖွဲ့တွေရဲ့ ထောက်ခံမှုတွေလည်း ရှိတယ်။ ဒီအချိန် မတိုင်ခင်တုန်းကဆိုရင် ဘယ်သူကမှ ဒီလောက် ၀မ်းသာအားရ မဖြစ်ခဲ့ဖူးဘူး။ ပြီးတော့ ပြည်သူတွေ အနေနဲ့လည်း လွန်ခဲ့တဲ့ နှစ်ပေါင်း ၃၀ လောက်ကတည်းက မသိမမြင်ခဲ့ရတာတွေကို ကျွန်တော်တို့က ပြီးမြောက် အောင်မြင်အောင် လုပ်ပေးနိုင်လိမ့်မယ်လို့ ယူဆနေတယ် ထင်ပါတယ်။ ပြည်သူတွေကိုလည်း စိတ်သစ်၊ လူသစ်ဖြစ်အောင် ကျွန်တော်တို့ ဆွဲဆောင် စည်းရုံးနိုင်မယ် ထင်ပါတယ်။ ဒါတွေက ဒေါ်စုရဲ့ ထင်ပေါ်ကျော်ကြားမှုနဲ့ပဲ  ဖြစ်လာတာပါ။

■ မေး – ဒေါ်အောင်ဆန်းစုကြည် လွတ်မြောက်လာခဲ့ရင် အဖွဲ့ချုပ်အတွက် ဘယ်လို ဖြစ်လာနိုင်ပါသလဲ။

■ ဖြေ – မိသားစုတစ်ခုမှာ အမေဖြစ်သူက အပြင်းအထန် နာမကျန်း ဖြစ်တာကနေ နာလန် ပြန်ထလာပြီ ဆိုပါစို့။ သားတွေ၊ သမီးတွေက ဘာပြောကြမလဲ။ သူတို့ အမေ ချက်ပြုတ် ကျွေးမွေးတဲ့ အစားအသောက် ကောင်းတွေကို စားရတော့ မပျော်ကြဘူးလား။ အဲဒီလိုပဲလေ။ ပြည်သူလူထုကလည်း ဒေါ်စုကို ချစ်ခင် လေးစားကြတယ်ဗျ။

■ မေး – အာဏာသိမ်း စစ်အစိုးရ အနေနဲ့ ပြည်သူလူထုက ပြန်ကလဲ့စားချေမှာကို စိုးရိမ်နေတယ်လို့ ထင်ပါသလား။

■ ဖြေ – ကျွန်တော်တို့ ရင်ဆိုင်ဖြေရှင်းရမယ့် တခြားပြဿနာတွေ အများကြီး ရှိသေးတယ်လို့ပဲ ကျွန်တော်ပြောချင်ပါတယ်။ တကယ်တမ်းကျတော့ နုရင်ဘတ်က စစ်ရာဇ၀တ်မှုဆိုင်ရာ တရားခွင်တွေမှာ ဂျာမန် ဘယ်နှစ်ယောက် တရားရင်ဆိုင်ခဲ့ရလို့လဲ။

■ မေး – ဒါဆို ရန်ကုန်မှာလည်း နုရင်ဘတ်တစ်ခု ရှိလာလိမ့်ဦးမယ်လို့ ခင်ဗျား ပြောချင်တာလား။

■ ဖြေ – ဟင့်အင်း။ လုံးဝ မဟုတ်ပါဘူး။ ရိုးရိုး သာမန် ဗမာလူမျိုးတွေအနေနဲ့ကတော့ အောက်ခြေအဆင့် တပ်သားတွေကိုတောင် ရန်ရှာဖို့ ကြိုးစားလိမ့်မယ်လို့ ကျွန်တော်မထင်ပါဘူး။ ဒါက အင်မတန် ချဲ့ကားထားတဲ့ ပြဿနာပါ။ ဘာမှ မဟုတ်ပါဘူး။ ဒါပေမဲ့ ခင်ညွန့်လို လူမျိုးတွေကျတော့ သူတို့ကိုယ်သူတို့ နောက်ကျောမလုံဘူးလို့ ခံစားမိမှာပေါ့။

Share.

About Author

Dominic Faulder

Dominic Faulder was a special correspondent with Hong Kong-based Asiaweek up to its closure in late 2001, and is today an associate editor with the Tokyo-based Nikkei Asian Review.

Leave A Reply